UMUYOBOZI W’AKARERE YASINYANYE IMIHIGO N’ABANYAMABANGA NSHINGWABIKORWA B'IMIRENGE

Kuri uyu wa mbere tariki 21 Nzeri 2026, Umuyobozi w'Akarere, Mukamana Soline, ari hamwe n'abandi bagize Komite Nyobozi y'Akarere n'Umunyamabanga Nshingwabikorwa w'Akarere yasinyanye n'Abanyamabanga Nshingwabikorwa b'Imirenge imihigo ya 2026-2027. 

Icyo gikorwa cyabereye ku biro by'Akarere. Cyitabiriwe n'Umuyobozi w'Inkeragutabara mu Karere, Lt Col Viateur Rudatinya na CIP Uwimana Emmanuel wari ahagarariye. Umuyobozi wa Polisi mu Karere.

Umuyobozi w'Akarere yabwiye abo Banyamabanga Nshingwabikorwa b’Imirenge ati:" Imihigo ni igipimo cy'imikorere. Mukwiye kuyishyira mu bikorwa ku gihe, kandi neza."

Yabasabye kandi gufatanya n’Abafatanyabikorwa bakorera mu Mirenge bayobora gukemura ibibazo bibangamiye imibereho myiza y’abaturage no gushyira mu bikorwa gahunda zigamije iterambere ry’imibereho y’abaturage.