Kuri uyu wa gatanu, ku biro by’Akarere habereye igikorwa cyo gutora Umujyanama rusange wuzuza Inama Njyanama y’Akarere ka Burera. Hatowe kandi Perezida w’Inama Njyanama y’Akarere. Bizimungu Jean Baptiste ni we watorewe kuyobora Inama Njyanama y'Akarere ka Burera. Amatora yayobowe n’itsinda ry’abakozi ba Komisiyo y’Igihugu y’amatora. Guverineri w’Intara y’Amajyaruguru, Mugabowagahunde Maurice yakurikiranye imigendekere y’ayo matora.

Mu ijambo yagejeje ku bagize Inama Njyanama y’Akarere, Guverineri Mugabowagahunde yagize ati:"Nimukorera ku intego, mukagira imikorere myiza n’imikoranire myiza n’izindi nzego; muzashyira mu bikorwa inshingano zanyu uko bikwiye. Ndabasaba guharanira kubigeraho; kandi birashoboka."

Guverineri w’Intara y’Amajyaruguru n’abandi bashyitsi banyuranye bitabiriye igikorwa cy’amatora bakiriwe n'Umuyobozi w'Akarere, Mukamana Soline.