Kuri uyu wa gatandatu, ku kibuga cya TTC Kirambo, mu Murenge wa Cyeru habereye imikino ya nyuma y'Amarushanwa UMURENGE KAGAME CUP 2024-2025. Ikipe y’Abagabo ya Butaro yegukanye igikombe n’ibindi bihembo binyuranye itsinze iya Cyeru kuri penaliti 5 kuri 4 nyuma yo kunganya ibitego 2-2. Ikipe y’Abakobwa ya Nemba yatsinze iya Butaro kuri penaliti 3 kuri 2 nyuma yo kunganya igitego 1-1. Amakipe yabaye aya kabiri ndetse n’aya gatatu na yo yahawe ibihembo binyuranye.

Mu biganiro abagize Komite Nyobozi y’Akarere n’abandi Bayobozi b’Inzego zinyuranye zikorera mu Karere bagiranye n’abakurikiye imikino y’aya marushanwa babakanguriye kwitabira gahunda za Leta zigamije imibereho myiza y’abaturage n’iterambere muri rusange zirimo kugira isuku umuco, kwizigamira muri Ejo Heza, gutangira ku gihe Mituweli, gusigasira gahunda ya Ndi Umunyarwanda, kwirinda no kugira uruhare mu kurwanya itundwa, ikwirakwiza, inyobwa, icuruzwa n’ikoreshwa ry’ibiyobyabwenge aho biva bikagera, ihohotera ririmo iribera mu ngo n'irishingiye ku gitsina, ubusinzi, amakimbirane n'ikindi cyabangamira imibereho myiza n'iterambere ry'abaturage.

Babasabye kandi gukora neza irondo mu rwego rwo gukumira no kurwanya icyabangamira umutekano; bakirinda, kandi bakarwanya ibisa na Banki Lamberi bizwi ku izina ry'Urunguze, gukunda, gukora no gukundisha abandi siporo.

Amwe mu mafoto y'imikino ya nyima:

Amwe mu mafoto y'amajonjora:

Umuyobozi w'Akarere, Mukamana Soline atanga ubutumwa ku bakurikiye imikino yabereye ku kibuga cyo mu Kagari ka Rusumo, mu Murenge wa Butaro: