Kuri uyu wa Kane Tariki 07/04/2022; mu Midugudu igize Akarere ka Burera hari kubera Ibiganiro bijyanye na gahunda y'Icyumweru cy'Icyunamo cyo kwibuka ku nshuro ya 28 Jenoside yakorewe Abatutsi mu 1994.

Ibiganiro byabanjirijwe no gusura Inzibutso za Jenoside yakorewe Abatutsi za Rusarabuye na Rugarama aho Abayobozi b'Inzego zitandukanye mu Karere n'Abahagarariye Abafatanyabikorwa bako bafashe Umunota bunamira Inzirakarengane zazize Jenoside zihashyinguye banahashyira Indabo mu rwego rwo kuziha Icyubahiro.

Ibiganiro ku rwego rw’Akarere byabereye mu Cyumba Mberabyombi cy’Akarere aho Umuyobozi w'Akarere, Mme UWANYIRIGIRA Marie Chantal yakiriye; anaha ikaze Abashyitsi bitabiriye uyu Muhango barimo Bwana KARAKE Ferdinand wari uhagarariye Guverineri w’Intara y’Amajyaruguru.

Ubutumwa byatanzwe mu Midugudu bwagarutse ahanini ku gukangurira abitabiriye Ibiganiro ku kwirinda no gukumira Ingengabitekerezo ya Jenoside n’Ibyaha bifitanye isano na yo.