Uyu munsi tariki 30 Ukwakira, uyu mwaka;mu Karere ka Burera hasojwe ukwezi kwahariwe ubukorerabushake n'ukwezi kwahariwe kuzirikana ubumwe n'ubudaheranwa bw'Abanyarwanda.

Ku rwego rw'Akarere; gusoza izi gahunda byabereye mu Kagari ka Gafumba, Umurenge wa Rugarama.

Uyu muhango witabirirwe n'abahagarariye inzego zitandukanye barimo intumwa ya Minisiteri y’Ubutegetsi bw’Igihugu, Bwana MUHAYIMANA Laurent Johnson; akaba ashinzwe ubukangurambaga no guhuza ibikorwa by'Urubyiruko rw'Abakorerabushake n’Umuhuzabikorwa w'uruzinduko rw'Abakorerabushake ku rwego rw'Igihugu, Mme TESI  Esther.

Uyu muhango witabiriwe kandi; Intumwa ya Minisiteri y'ubutabera, Bwana RUGOYA Antoine; akaba ashinzwe guhuza ibikorwa by'ubutabera, uwari uhagarariye Umuyobozi wa Polisi mu Karere, CIP Jean Claude GAKWANDI, Umuhuzabikorwa w'urubyiruko rw'Abakorerabushake ku rwego rw'Akarere, Bwana NGEMBA Gervais n'Abahuzabikorwa b'Urubyiruko rw'Abakorerabushake mu Mirenge igize Akarere.

Habaye kandi umuganda wakozwe n'urubyiruko waranzwe n'ibikorwa birimo kubaka uturima dutatu tw'imboga, gupima abana; harebwa imikurire yabo, gutunda amatafari yo kubakisha igikoni n'ubwiherero bw'umuryango ufite amikoro make.

Abafashe ijambo bashimye urubyiruko ku bikorwa rukora bigira uruhare mu guteza imbere abaturage n'Akarere muri rusange n'uruhare rwabo mu ishyirwa mu bikorwa ry'ibikorwa byari biteganyijwe mu kwezi kwahariwe kuzirikana Ubumwe n'ubudaheranwa bw'Abanyarwanda