Kuri uyu wa  gatatu, Tariki 21 Nzeri uyu Mwaka; Umuyobozi w'Akarere, Mme UWANYIRIGIRA Marie Chantal yakiriye Minisitiri wa MINAGRI, Hon. Gérardine MUKESHIMANA watangije ku mugaragaro Igihembwe cy'Ihinga cya  2022-2023A mu Karere ka Burera.

Uyu muhango wabereye kuri Site ya Kagihanga, mu Kagari ka Nyamugari,Umurenge wa Nemba. Witabiriwe n'Umunyamabanga Nshingwabikorwa w’Intara y’Amajyaruguru, Dr Geoffrey MUSHAIJA n'abahagarariye izinsi nzego zitandukanye.

Kuri iyi Site hatewe imbuto y'Ibigori y'ubwoko bwa WH 605. Abaturage beretswe uburyo bwiza bwo kuyitera; banasobanurirwa uko bazayikurikirana.

Mu ijambo Minisitiri, Hon. Gérardine MUKESHIMANA yagejeje ku Baturage yabasabye kurwanya isuri mu Mirima yabo,gukoresha ifumbire, kugirira isuku Inka zabo no kwitabira gahunda ya Nkunganire.

Ibindi byaranze uyu muhango harimo gutera inkunga y'ibikoresho by'Ubuhinzi n'ubworozi Abahinzi-Borozi b'Indashyikirwa no gushumbusha Abahinzi bafashe ubwishingizi bw'Imyaka yabo ikaza kwangizwa n'Ibiza bakaba bahawe Sheki ya 3,668,998 Frws yatanzwe na BANK OF KIGALI.

Nyuma yo gutangiza iki gihembwe cy'Ihinga ; Abahinzi bahise bishingira Ibigori byabo bihinze kuri Hegitari 50 kuri iyi Site ya Kagihanga