Kuri uyu wa mbere tariki 11 Ukuboza 2023; mu cyumba cy'inama cy'Akarere ka Burera habereye umuhango w'ihererekanyabubasha hagati y'umuyobozi wako mushya, Mme MUKAMANA Soline watorewe izi nshingano tariki 07/12/2023 n'uwari umuyobozi wako w'agateganyo, Bwana NSHIMYIMANA Jean Baptiste.

Umushyitsi mukuru muri uyu muhango yari Guverineri w'Intara y'Amajyaruguru, Bwana MUGABOWAGAHUNDE Maurice. Witabiriwe n'abagize Inama Njyanama y'Akarere n'abayobozi barimo abaturutse ku rwego rw'Igihugu, Intara y'Amajyaruguru no  ku rwego rw'Akarere.

Mu ijambo rye; Guverineri w'Intara y'Amajyaruguru yasabye ubuyobozi  bw'Akarere n’abakozi  gushyira inyungu z'umuturage ku isonga.

Umuyobozi w'Akarere yasabye abakozi guharanira kwesa imihigo no kwirinda icyo ari cyo cyose cyabangamira ubumwe bw'Abanyarwanda.

AMAFOTO:

Umuyobozi w'Akarere wungirije ushinzwe iterambere ry'ubukungu ; Bwana NSHIMYIMANA Jean Baptiste; akaba ari we wari Umuyobozi w'Akarere w'agateganyo ageza ijambo ry'ishimwe ku bitabiriye uyu muhango.

Umuyobozi w'Akarere, Mme MUKAMANA Soline asuhuzanya n'uwari umuyobozi wako w'agateganyo, Bwana NSHIMYIMANA Jean Baptiste.

Abakozi bageneye Umuyobozi w'Akarere mushya , Mme MUKAMANA Soline impano y'ikarita y'Akarere.