URUZINDUKO RW’ABASENATERI

Kuri uyu wa Gatatu; Abasenateri babiri; Hon. Sen. Dr HABINEZA Faustin na Hon. Sen. KANZIGA Epiphanie basuye Akarere ka Burera mu Ruzinduko rw'Akazi rw'Iminsi ibiri muri gahunda ya SENA yo gusura Amavuriro n’Ibigo Nderabuzima mu rwego rwo kumenya no kugenzura Ibikowa bya Guverinoma mu birebana n’Imitangire ya Serivisi z’Ubuvuzi n’Imivurire y’Indwara zitandura mu Bigo Nderabuzima.

Uyu munsi basuye Ibitaro bya Butaro aho nyuma yo kwakirwa n'Umuyobozi w'Akarere,Mme UWANYIRIGIRA Marie  Chantal bagaragarijwe Serivisi zihatangirwa.Nyuma y'Inama n'Ubuyobozi bw'Ibitaro bakomereje mu Bitaro aho baganiriye n'Abarwayi n'abandi baje kuhasaba serivisi bababaza uko  babona urwego bahabwaho serivisi. Bahavuye basuye Ikigo Nderabuzima cya Bungwe.

Ku munsi wa Kabiri w’Uruzinduko rwabo rw’Akazi basuye Ikigo Nderabuzima cya Nyamugali n’Ikigo Nderabuzima cya Rwerere aho bakurikiranye uko ababigana bahabwa Serivisi.

URUZINDUKO RW’ABADEPITE

Uyu munsi Tariki 13 Gicurasi, Umuyobozi w'Akarere wungirije ushinzwe Imibereho myiza y’Abaturage, Bwana MWANANGU Theophile yakiriye ku Biro by'Akarere Abadepite babiri: Hon. UWIMANIMPAYE Jeanne d'Arc na Hon. NIYORUREMA Jean René basuye Akarere ka Burera aho bagirira Uruzinduko rw'Akazi rw'Iminsi Ibiri (13-14/05/2022) bakurikirana uko Ibigo Nderabuzima,Amashuri n'Ibigo by'Urubyiruko bikurikirana uko Urubyiruko rugezwaho Serivisi z'Ubuzima bw'Imyororokere.

Izi Ntumwa za Rubanda zivuye ku Biro by'Akarere zasuye Ibigo Nderabuzima bya Gitare na Ntaruka na ETEKA KARUGANDA bagenzura uko Serivisi zirimo iz'Ubuzima bw'Imyororokere ku Rubyiruko zitangwa

Basoreje Uruzinduko rwabo rw’Akazi (14/05/2022) kuri TELE CENTER ya Rugarama, iri mu Murenge wa Rugarama aho bakiriwe n'Umunyamabanga Nshingwabikorwa wawo;Bwana NDAYISABA Egide ari hamwe n'Umuyobozi wayo,NIYONSHUTI Joel wabasobanuriye Imikorere yayo.