Kuri uyu wa gatandatu tariki 12 Ukwakira uyu mwaka; mu Tugari tugize Akarere ka Burera habereye umuganda wihariye w’urubyiruko w’icyiciro cya kabiri/2020-2025 witabiriwe n'urubyiruko n'ibindi byiciro by'abaturage.

Mu byakozwe muri uwo muganda harimo gucukura no gusibura imiringoti n'imirwanyasuri mu rwego rwo kubungabunga ibidukikije no kurwanya isuri n'ibiza, gutunganya imihanda n'inzira z'imigenderano, gucukura no kubaka ubwiherero n'inzu z'abatishoboye.

Umuyobozi w’Akarere wungirije ushinzwe imibereho myiza y’abaturage, MWANANGU Théophile yifatanyije n'urubyiruko n'abandi baturage mu gikorwa cyo gutunganya umuhanda mu Mudugudu wa Rutuku, Akagari ka Kabona, mu Murenge wa Rusarabuye.

Mu butumwa yahaye abawitabiriye ; bwatanzwe n'ahandi habereye umuganda; yabasabye kubahiriza amabwiriza agamije kurwanya indwra ya Marburg;gukora cyane no kunoza umurimo hagamijwe kwiteza imbere, kwirinda amakimbirane,ibiyobyabwenge,kubungabunga ibidukikije no kurwanya isuri.