Hagamijwe gukemura Ibibazo bibangamiye Iterambere ry'Umuturage,ku wa gatandatu tariki 24 Mata,mu Tugari tw'Akarere ka Burera, abadutuye,bafatanyije n'Abayobozi, bubakiye Imiryango itishoboye Amazu, Ubwiherero , Uturima tw'Igikoni, batunganya Imihanda, basana Ibiraro, bacukura, banasibura ibyobo bifata amazi ava ku mazu, kandi babumba Amatafari azakoreshwa ubutaha.

Umuyobozi w’Akarere wungirije ushinzwe Imibereho myiza y’Abaturage, Bwana Manirafasha Jean de la Paix yitabiriye Umuganda wabereye mu Kagari ka Mucaca/Rugengabali.Umuganda usoje, Bwana Manirafasha yagiranye ikiganiro  n'abawitabiriye abasaba kwirinda amakimbirane, gukunda Igihugu, gukoresha neza inkunga Leta ibagenera binyuze muri gahunda zitandukanye, kwitabira Amarondo no kuyakora neza,bakanirinda COVID-19.