AMAKURU YEREKEYE IBIKORWA BY'INGENZI BYAKOZWE MU KARERE MU CYUMWERU GISHIZE YATANGAJWE KU RUBUGA RWA MURANDASI RW'AKARERE

ABAKOZI B’AKARERE BASOBANURIWE SERIVISI ZITANGWA NA RWANDA FORENSICS INSTITUTE

Kuri uyu wa gatatu, Umuyobozi w’Akarere, Mukamana Soline, ari kumwe n'abandi bagize Komite Nyobozi y’Akarere yakiriye ku biro by'Akarere itsinda ry'abakozi b'Ikigo cy'u Rwanda cy'Ibimenyetso bya gihanga bikoreshwa mu butabera (Rwanda Forensics Institute) ryari riyobowe n’Umuyobozi Mukuru wungirije w’icyo Kigo ushunzwe Ibinyabutarire, Dr Justin Kabera bakoranye inama n'abahagarariye inzego zinyuranye mu Karere barimo abakozi bakorera ku rwego rw’Akarere n’Abanyaabanga Nshingwabikorwa b’Imirenge babasobanurira serivisi gitanga. Kanda kuri iyi link usome inkuru yose.

TURANGWE N’ISUKU AHO TURI HOSE: UMUYOBOZI W’AKARERE

Kuri uyu wa kabiri, mu Mirenge igize Akarere habaye ibikorwa bigamije guteza imbere isuku n'isukura binyuze muri gahunda y'Igitondo cy'isuku. Mu byakozwe harimo gutunganya imihanda n'inzira z'imigenderano, gukora isuku muri santere z'ubucuruzi n'ahandi hahurira abantu benshi, gusibura inzira z'amazi n'ibiraro. Kanda kuri iyi link usome inkuru yose.

UMUYOBOZI W’AKARERE: UBUGURE BW’UBUTAKA BUDAKOREWE IBERE YA NOTERI MU BY’UBUTAKA BUSHOBORA GUTERA IGIHOMBO

Mu kiganiro Umuyobozi w’Akarere, Mukamana Soline yagiranye n’abaturage b’Akagari ka Gabiro, mu Murenge wa Gatebe ubwo yari yitabiriye inteko yabo ku gicamunsi cy’uyu wakabiri yababwiye ko ubugure bw’ubutaka budakorewe imbere ya Noteri mu by’ubutaka bishobora gutera igihombo uwabuguze. Kanda kuri iyi link usome inkuru yose.

MENYA IBIYOBYABWENGE N’IBINYOBWA BITEMEWE BIFATWA NK’IBIYOBYABWENGE MU RWANDA N’INGARUKA ZO KUBIKORESHA

Ikiyobyabwenge ni ikintu cyose iyo kinjiye mu mubiri w’umuntu gihindura ubushobozi bwe bwo gutekereza, gufata ibyemezo, kikanahindura imikorere y’umubiri we harimo kugira akanyamuneza cyangwa ibyishimo bidafite aho bishingiye, gutinyuka cyangwa kugira akanyabugabo ko gukora ibyo utatinyuka uri muzima, kutumva ububabare bw’umubiri cyangwa bwo kumutima no kugira imbaraga zirenze izisanzwe. Kanda kuri iyi link usome inkuru yose.

ABAKORA IBIKORWA BINYURANYE MU BIYAGA BYA BURERA NA RUHONDO NO MU NKENGERO ZABYO N’ABABITURIYE BARASABWA KUBAHIRIZA AMATEGEKO N’AMABWIRIZA AGENGA IBYO BAKORA KUGIRA NGO HIRINDWE IMPANUKA MURI IBYO BIYAGA

Abakora ibikorwa binyuranye birimo uburobyi, gutwara abantu n’ibintu no gutembera mu Biyaga bya Burera na Ruhondo n’abakorera ibikorwa binyuranye mu nkengero zabyo n’ababituriye barasabwa; kandi baributswa kubahiriza amabwiriza n’amategeko agenga ibyo bikorwa kugira ngo hirindwe impanuka muri ibyo Biyaga zahitana cyangwa zigakomeretsa abantu. Kanda kuri iyi link usome inkuru yose.