IMIRYANGO 55 YABANAGA NK’UMUGABO N’UMUGORE ITARASEZERANYE IMBERE Y’AMATEGEKO YASEZERANYE

Uyu munsi, imiryango 55 yabanaga nk’umugabo n’umugore itarasezeranye imbere y’amategeko yasezeranye imbere y’amategeko (21 mu Murenge wa Butaro, 10 mu wa Gatebe, 7 mu wa Rugengabali, 6 mu Mirenge ya Rysarabuye, na Nemba n’imiryango 5 mu Murenge wa Kinoni). Iyo miryango yasezeranyijwe n'Abanyamabanga Nshingwabikorwa b'Imirenge batuyemo. Kanda kuri iyi link usome inkuru yose.

UMUYOBOZI W’AKARERE YASABYE ABAKOZI N'ABARI BAHAGARARIYE IBYICIRO BINYURANYE MU MURENGE WA GAHUNGA KURANGWA N’IMIKORERE N’IMIKORANIRE ISHYIRA UMUTURAGE KU ISONGA

Kuri uyu wa kane, Umuyobozi w’Akarere, Mukamana Soline yakoranye inama n’abakozi b’Akarere bakorera ku rwego rw’Umurenge wa Gahunga n'abari bahagarariye ibyiciro binyuranye muri uwo Murenge; abasaba kurangwa n’imikorere n’imikoranire ishyira iterambere ry’umuturage ku isonga. Kanda kuri iyi link usome inkuru yose.

ABITABIRIYE INAMA YAGUYE Y’INKINGI Y’IMIYOBORERE MYIZA BAFASHE INGAMBA ZO GUKEMURA IBIBAZO BIBANGAMIYE IMIBEREHO MYIZA Y’ABATURAGE

Uyu munsi, Umuyobozi w’Akarere, Mukamana Soline yakoranye inama n'abakozi bakorera ku rwego rw'Akarere babarizwa mu Nkingi y’Imiyoborere myiza yaguriwemo Abanyamabanga Nshingwabikorwa b’Imirenge, abakozi bashinzwe imiyiyoborere myiza mu Mirenge. Iyo nama yabereye mu cyumba cy'inama cy'Akarere. Yitabiriwe kandi n’abakozi bashinzwe Irangamimerere na Notariya mu Mirenge n’abakozi bakorera ku rwego rw'Akarere mu ishami ry’imiyoborere myiza. Kanda kuri iyi link usome inkuru yose.

ABITABIRIYE INAMA Y’INTEKO RUSANGE Y’INAMA Y’IGIHUGU Y’ABAGORE MU KARERE KA BURRA BUNGURANYE IBITEKEREZO KU NGAMBA ZO GUMEMURA IKIBAZO CY’ABANGAVU BATERWA INDA

Uyu munsi, mu cyumba cy'inama cy'Akarere habereye inama y'Inteko rusange y'Inama cy'Igihugu y'Abagore mu Karere ka Burera yayobowe n'Umuhuzabikorwa w’Inama y’Igihugu y’abagore mu Karere ka Burera, Uwamwiza Catherine. Abayitabiriye barebeye hamwe ibyo bagezeho mu mwaka w'ingengo y'imari ushize wa 2024-2025. Bagejejweho, kandi basinya imihigo ya Mutimawurugo muri uyu mwaka w'ingengo y'imari wa 2025-2026; kandi bungurana ibitekerezo ku ishyirwa mu bikorwa ryayo. Kanda kuri iyi link usome inkuru yose.

UBUYOBOZI BW’AKARERE BURAKANGURIRA ABAGATUYE GUHINGA KURI SITE Z’UBUHINZI IBIHINGWA BYATORANYIJWE GUSA

Ubuyobozi bw’Akarere burakangurira abaturage bako guhinga kuri site z’ubuhinzi 1,143 ibihingwa byatoranyijwe ari byo; Ibirayi, Ibishyimbo, Ingano n’Ibigori; ibi bikaba bigamije kugira ngo haboneke umusaruro w’ibi bihingwa mu bwinshi ndetse n’ubwiza. Kanda kuri iyi link usome inkuru yose.

INKURU MU MAFOTO Y’UKO IGIKORWA CY’UBUKANGURAMBAGA KU KUNYWA AMAZI MEZA CYAGENZE

Mu cyumweru gishize ku wa gatanu, mu Murenge wa Kinoni habereye ubukangurambaga ku kunywa amazi meza, isuku n'isukura bufite insanganyamatsiko igira iti:"Imirire myiza, amazi meza, isuku n'isukura; byose ni isoko y'ubuzima." Ubwo bukangurambaga bukaba bwarateguwe n'Akarere ka Burera ku bufatanye na World Relief Rwanda. Kanda kuri iyi link usome inkuru yose.