ABANYESHURI BO MU BIGO BYO HIRYA NO HINO MU KARERE BAGANIRIJWE KU BUZIMA BW'IMYOROROKERE

Ejo; abanyeshuri biga mu bigo by’amashuri bibarizwa hirya no hino mu Karere ka Burera bahawe ikiganiro ku buzima bw'imyororokere hagamijwe kubarinda ibibazo bashobora guterwa no kutamenya ibyerekeye ubuzima bw’imyororokere. Mu kiganiro umukozi ushinzwe uburezi mu Murenge wa Rusarabuye, Ntezimana Vincent yagiranye n’abanyeshuri biga mu Ishuri ribanza rya Munanira yababwiye ati:"Kumenya ibyerekeye ubuzima bw’imyororokere bibarinda kugwa mu mutego mutindi wa bamwe mu babashukisha utuntu tw’uduhendabana bagamije kubasambanya; bakabangiririza ubuzima bwanyu bw’ahazaza." Kanda kuri iyi link usome inkuru yose.

ITSINDA RIYOBOWE N’UMUYOBOZI W’AKARERE RYAKOZE URUGENDOSHURI MU NTARA Y’I BURASIRASUBA KU MIKORERE N’IMIKORESHEREZE Y’ICYUMBA NTANGAMAKURU

Itsinda riyobowe n’Umuyobozi w'Akarere, Mukamana Soline ryakoze urugendoshuri mu Ntara y’i Burasirazuba aho ryasuye Ibiro by’iyo Ntara aho abarigize bakiriwe na Guverineri w’iyi Ntara, Pudence Rubingisa, Akarere ka Gatsibo aho bakiriwe n’Umuyobozi wako, Gasana Richard n’Akarere ka Rwamagara aho bakiriwe n’Umuyobozi wako, Mbonyumuvunyi Radjab aho basuye Icyumba Ntaramakuru (Digital Information Center) cy’izo nzego basuye; basobanurirwa imikorere n’imikoreshereze yacyo. Kanda kuri iyi link usome inkuru yose.

UBUYOBOZI BW’AKARERE BWAREBEYE HAMWE N’ABASENATERI UKO IMIBEREHO Y’ABATUYE IBIYAGA BYO MU KIYAGA CYA BURERA YIFASHE

Ejo ku wa kabiri, Umuyobozi w’Akarere wungirije ushinzwe imibereho myiza y’abaturage, Mwanangu Théophile ari kumwe n’Abayobozi b’Inzego z’umutekano mu Karere yakiriye Honorable Senateri Kitatire Sosthene na Honorable Dusingizemungu Jean Pierre bari mu bagize Komisiyo y'imibereho y'abaturage n'uburenganzira bwa Muntu mu Nteko Ishinga Amategeko basuye ikirwa cya Birwa I n’ikirwa cya Munanira muri gahunda y’Inteko Ishinga Amategeko/Umutwe wa Sena yo kumenya imiterere y’ibibazo bibangamiye abatuye mu birwa. Kanda kuri iyi link usome inkuru yose.

MU KARERE KA BURERA HATANGIJWE UBUKANGURAMBAGA BUGAMIJE GUKUMIRA IBIZA

Uyu munsi, imiryango 348 yasenyewe n'ibiza n'iyari ituye ahashoboraga gushyira ubuzima bwabo mu kaga mu Karere ka Burera yamurikiwe inzu yubakiwe na Minisiteri ishinzwe ibikorwa by’ubutabazi (MINEMA) binyuze mu mushinga Contingency Emergency Response Component (CERC). Kanda kuri iyi link usome inkuru yose.

IKIGANIRO N'ABANYAMAKURU: UMUYOBOZI W’AKARERE YAGARAGAJE ISHUSHO RUSANGE Y’AKARERE

Mu cyumba cy'inama cy'Akarere habereye ikiganiro n'Abanyamakuru cyayobowe n'Umuyobozi w'Akarere, Mukamana Soline wabagaragarije ishusho rusange y'Akarere harimo amahirwe y'ishoramari ahari; yakira, kandi asubiza ibibazo bamubajije. Icyo kiganiro cyitabiriwe na Perezida w'Inama Njyanama y'Akarere, Bizimungu Jean Baptiste, abagize Komite Nyobozi y'Akarere n'Abanyamabanga Nshingwabikorwa b'Imirenge. Kanda kuri iyi link usome inkuru yose.

ABANYAMAKURU BATEMBEREJWE AKARERE; BEREKWA BIMWE MU BIKORWA BY’ITERAMBERE BYUBATSWE

Kuri uyu wa gatatu; Umunyamabanga Nshingwabikorwa w’Akarere, Karangwa James yakiriye Abanyamakuru 14 bakorera Ibitangazamakuru binyuranye; abatembereza Akarere; ari na ko abereka bimwe mu bikorwa by’iterambere byubatswe; abasobanurira uruhare bigira mu guteza imbere imibereho y’abaturage haba mu bijyanye n’ubukungu, ubuzima ndetse n’ibindi. Kanda kuri iyi link usome inkuru yose.

ABAGIZE KOMITE ISHINZWE IMICUNGIRE Y’IBIZA KU RWEGO RW’AKARERE BASUYE IBITARO BYIGISHA BYO KU RWEGO RWA II BYA BUTARO

Abagize Komite ishinzwe imicungire y’ibiza ku rwego rw’Akarere; bari kumwe n’Abanyamakuru bakorera Ibitangazamakuru binyuranye na Visi Perezida w'Inama Njyanama y'Akarere, Uwamwiza Catherine basuye Ibitaro byigisha byo ku rwego rwa II bya Butaro biri mu Murenge wa Butaro bagaragarizwa, kandi basobanurirwa serivisi zitangirwa muri ibyo bitaro. Kanda kuri iyi link usome inkuru yose.

INKURU MU MAFOTO Y’IGIKORWA CY’IMURIKABIKORWA

Kuva tariki 28-30 z’uku kwezi, mu Murenge wa Cyanika habereye igikorwa cy’Imurikabikorwa ryateguwe ku insanganyamatsiko igira iti:"JADF BURERA DUKOMEZE GUSHYIRA UMUTURAGE KU ISONGA MU RUGENDO RWO KWIKURA MU BUKENE." Iki gikorwa cyateguwe ku bufatanye bw’Akarere ka Burera na JADF (Joint Action Developement Forum); JADF bishatse kuvuga Ihuriro ry’Abafatanyabikorwa mu iterambere ry’Akarere. Kanda kuri iyi link usome inkuru yose.